23 апрель мәғариф бүлегендә “Урал батыр” эпосын башҡарыусы йәш сәсәндәр район конкурсы үтте. Ул ике турҙан торҙо. Тәүгеһендә уҡыусылар «Урал батыр» эпосын яттан һөйләһә, II турҙа мәктәп командалары халҡыбыҙҙың ауыҙ-тел ижади өлгөһө булған эпостарҙан өҙөктәр сәхнәләштерҙе. Район конкурсында 11 уҡыусы һәм өс команда ҡатнашты.
 Конкурс еңеүселәре һәм призерҙары район мәғариф бүлегенең маҡтау ҡағыҙҙарына һәм бүләктәренә лайыҡ булдылар.
Уҡыусыларға һәм уларҙың етәкселәренә артабан да яңы үрҙәр, ҙур еңеүҙәр теләйбеҙ!