“Урал батыр” эпосын ятҡа һөйләй белгән уҡыусыларыбыҙ – бына кемдәр милләтебеҙ рухын, телебеҙҙе, тарихыбыҙҙы һаҡлап ҡалыр быуын.

   “Урал батыр” эпосын башҡарыусы йәш сәсәндәрҙең XXIII республика конкурсында беҙҙең район уҡыусылары  ҙур уңыштарға өлгәште. Әхмәр  мәктәбенең 4-се класс уҡыусыһы Хәсәнова Зөбәржәт ( етәксеһе Юлбахтина Р.Ш.)  эпосты 1100 юл ,  ә Темәс мәктәбенең 8-се класс уҡыусыһы Шахморатова Рәзинә ( етәксеһе Шахморатова З.Ә.) «Урал батыр» эпосын тулыһынса ятлап, хаҡлы рәүештә икәүһе лә  I урынға лайыҡ булдылар.

   Эпосты сәхнәләштереү буйынса фольклор төркөмдәре араһында Баймаҡ ҡалаһының 2-се мәктәбе уҡыусылары ( етәкселәре Азаматова М. Р. , Ғәлиуллина С.С.)  II урын яуланылар.

   Уҡыусыларға һәм уларҙың етәкселәренә артабан да яңы үрҙәр, ҙур еңәүҙәр теләйек!