Cәйғәфәрҙә тырыш илһөйәр, тел һөйәр уҡыусылар уҡый. Улар тәүге ярты йыллыҡҡа республика матбуғат баҫмаларының “Синыф менән - “Аҡбуҙат”ҡа!”, “Синыф менән - “Йәшлек”кә!” акцияларында әүҙем ҡатнаштылар.

  Беренсе синыф уҡыусыһы Сәйетова Камилла: “Беҙҙең синыфыбыҙҙа 10 уҡыусы: 4 ҡыҙ һәм 6 малай. Беҙ бик татыубыҙ, дуҫбыҙ. Ҙур теләк менән уҡырға һәм яҙырға өйрәнәбеҙ. Күпте белергә теләйбеҙ. Шуға күрә лә бөтә синыфыбыҙ менән яратҡан журналыбыҙға яҙылып та ҡуйҙыҡ. Синыф етәксебеҙ Ғәлина Нәзирә Борхан ҡыҙы илебеҙҙе, матур башҡорт телебеҙҙе һөйөргә һәм хөрмәт итергә өйрәтә. Беҙ беренселәр, шуға ла беҙ гел беренсе!”- тип һөйләй ғорур лыҡ менән.