Бөгөн, 20 апрель, Республикабыҙҙың ғына түгел, илебеҙҙең һәр төбәгендә башҡорт теленән диктант яҙҙылар. Башҡорт телен танытыу, белем биреү, тел мәҙәниәтен үҫтереү маҡсатында ойошторолған акция онлайн һәм офлайн форматта үтте. Баймаҡ лицей-интернатында ойошторолған офлайн майҙансыҡта Баймаҡ районы муниципаль район хакимиәтенең беренсе урынбаҫары Кәримов Айнур Басир улы, мәғариф бүлеге методистары - Иҫәнғолова Гөлшат Фәтхитдин ҡыҙы, Байсурина Илгизә Айытбай ҡыҙы, Алсынбаева Иркәгөл Наил ҡыҙы, Баймаҡ лицей-интернаты уҡытыусылары, тәрбиәселәре, ата-әсәләр ҡатнашты. Ҡатнашыусылар өсөн диктант тексын Баймаҡ лицей-интернатының директоры Әбүбәкиров Иҙел Данил улы, китапханасы Сәйетова Ләлә Сәлих ҡыҙы уҡыны.