18 май көнө башҡорт теле һәм әҙәбиәте уҡытыусыларының «Уҡыусыларҙы башҡорт теле һәм әҙәбиәте буйынса дәүләт йомғаҡлау аттестацияһына әҙерләү методикаһы» темаһына район семинары үтте. 37 белем биреү учреждениеһынан килгән 54 уҡытыусы алдында район методик берекмә етәксеһе А.Ә.Сирбаева (Баймаҡ ҡалаһының 4-се һанлы лицейы уҡытыусыһы), Э.Р.Мырҙабаева (2-се һанлы мәктәп уҡытыусыһы) һәм С.З.Ишҡыуатов (Баймаҡ лицей-интернаты уҡытыусыһы)  2017-2018 уҡыу йылында башҡорт теле һәм әҙәбиәте буйынса үтәсәк дәүләт йомғаҡлау аттестацияһының үҙенсәлектәре тураһында сығыш яһаны. Уҡытыусылар төрлө һорауҙарға яуаптар алды, үҙҙәренең эш тәжрибәһе менән дә уртаҡлашты.