Баймаҡ ҡалаһының 4-се һанлы лицейында уҡыусыларҙың Бәләкәй фәндәр академияһы сиктәрендә ғилми-тикшеренеү эштәре конкурсының район этабы үтте. Уҡыусыларҙа фәнни эшкә ҡыҙыҡһыныу тәрбиәләү маҡсатын алған конкурсҡа район мәктәптәренән 12 номинация буйынса барлығы 138 эш ҡабул ителде. Ҡала мәктәптәре, Баймаҡ лицей-интернаты, Ҡолсора, Ниғәмәт, Йомаш, Муллаҡай мәктәптәре уҡыусылары айырыуса әүҙемлек күрһәтте. Уҡыусылар ҡыҙыҡлы темалары, төплө белемдәре, әҙерлектәре менән ҡыуандырҙы. Конкурс аҙағында һәр йүнәлештә еңеүселәр һәм призерҙар билдәләнде.

         Еңеүсе булған уҡыусыларыбыҙ Бәләкәй фәндәр академияһының фәнни-тикшеренеү эштәре республика конкурсында ҡатнашасаҡтар.