12 декабрҙә Баймаҡ мәғариф бүлегенең тамашалар залында, халыҡ яратып уҡыған "Киске Өфө” гәзитенең баш мөхәррире, Гөлфиә Гәрәй ҡыҙы Янбаева менән осрашыу булып үтте. Осрашыуға район һәм ҡала мәктәптәренең башҡорт теле һәм әҙәбиәте уҡытыусылары, "Ағинәйҙәр” клубы ағзалары, әҙәбиәт һөйөүселәр, йыр-бейеүгә маһирҙар саҡырылғайны.

Гөлфиә Гәрәй ҡыҙы баймаҡтарға гәзиттең киләсәген тотоп тороусы иң яҡын дуҫтары булыуы, шуның өсөн дә уларға сикһеҙ рәхмәтле икәнлеген еткерҙе. Киләсәктә лә ҡыҙыҡлы, тормошсан материалдар ебәреп, гәзиттең йөкмәткеһен бергәләп байытып дуҫ йәшәргә саҡырҙы.