Дилә Әмир ҡыҙы Райманова Сәйғәфәр мәктәбендә 23 йыл башҡорт теле һәм әҙәбиәте дәрестәре алып бара. Ул үҙенең эшендә матбуғат баҫмаларын беренсе урынға ҡуя. Заман менән бергә атлаған уҡытыусы дәресте ниндәйҙер яңы хәбәр менән башларға өйрәнгән.  

   Быйыл ул “Башҡортостан уҡытыусыһы” журналы үткәргән С.Юлаевтың тыуыуына 260 йыл тулыуға арналған конкурста яҡшы һөҙөмтәләргә өлгәшеп, Өфөгә конкурсты йомғаҡлау сараһына саҡырылды. Был сарала уға, бәйгелә өлгәшкән уңыштары өсөн, Маҡтау грамотаһы тапшырылды.