17 апрелдә Баймаҡ районы һәм ҡалаһының ижтимағи-сәйәси гәзите “Һаҡмар” редакцияһы коллективы  һәм 10-12 апрелдә Өфөлә үткән башҡорт теле һәм әҙәбиәте уҡытыусыларының I Бөтә Рәсәй съезы делегаттары түңәрәк өҫтәлгә йыйылды.

   Делегаттар, баш ҡалабыҙҙағы башҡорт лицейы һәм гимназияларының эш тәжрибәһенән миҫалдар килтереп, съездан алған тәьҫораттары менән уртаҡлашты, башҡорт телен һаҡлау, өйрәнеү һәм артабан үҫтереү мәсьәләләре буйынса фекер алышты, Баймаҡ районы һәм ҡалаһы мәктәптәрендә, балалар баҡсаларында туған телдәрҙе уҡытыу, ата-әсәләр менән берлектә йәш быуынды милли рухта тәрбиәләү буйынса аныҡ эштәр билдәләне.